Қўшимча функционаллар
-
Тунги кўриниш
Жиззахда боғча директори пичоқланди
Фожиа Фориш тумани, «Дўстлик» маҳалласида содир бўлди.
Фото: Жиззах вилояти ИИБ
5 август куни тунда Жиззах вилояти, Фориш тумани, «Дўстлик» маҳалласида яшаган 1975 йилда туғилган А.Х. пичоқланди. Жиззах вилояти ИИБ «Фориш туманидаги қишлоқлардан бирида боғча директори пичоқлаб ўлдирилди» деган мазмунда ижтимоий тармоқларда тарқалган хабарга шундай изоҳ берди.
Қайд қилинишича, А.Х. Фориш тумани тиббиёт бирлашмасига тан жароҳатлари билан келтирилган ва кўрсатилган тиббий муолажаларга қарамасдан, унинг биологик ўлими қайд этилган.
Олиб борилган тезкор суриштирув жараёнида А.Х. ўз маҳалладоши билан келишмовчилик юз бергани оқибатида пичоқлангани аниқланган.
Ҳолат юзасидан Жиноят кодексининг 104-моддаси (Қасддан баданга оғир шикаст етказиш) 3- қисми «д» банди билан жиноят иши қўзғатилиб, тергов ҳаракатлари олиб борилмоқда.
Жиноят содир этишда гумонланган шахс процессуал тартибда қамоққа олинган.
Марҳумнинг қайси боғчада директор бўлиб ишлагани ҳақида маълумот берилмади.
Мавзуга оид
17:03 / 22.05.2025
“Шоҳрух Абдуназаровни мажбурий келтириш тадбирлари амалга оширилмоқда” – Жиззах ИИБ юк машиналари билан боғлиқ фирибгарлик ҳақида
20:44 / 21.05.2025
Танзила Норбоева Жиззахда коррупция ҳолатлари бўйича танқидий йиғилиш ўтказди
17:58 / 21.05.2025
Трактордан “Камаз”гача: Жиззахда одамлар кутилмаган усулда чув тушириб кетилмоқда
09:27 / 15.05.2025