Uzbekistan Airways бошқарувида тайинловлар амалга оширилди

Авиакомпания бошқарув раисига ўринбосарлар тайинланди.

Фото: Kun.uz

Ўзбекистон президенти ҳузуридаги Стратегик ислоҳотлар агентлиги қарорига кўра, Uzbekistan Airways авиакомпанияси бошқарувида бир қатор тайинловлар амалга оширилди.

Жумладан:

- Саттаров Алишер Абдувохобович уч йил муддатга Uzbekistan Airways акциядорлик жамияти бошқарув раисининг трансформация, молиявий ва рақамлаштириш масалалари бўйича биринчи ўринбосари;

- Икрамов Шахзод Илясович уч йил муддатга Uzbekistan Airways акциядорлик жамияти бошқарув раисининг парвоз ишларини ташкил этиш бўйича ўринбосари;

- Ядгаров Шухратилло Шавкатович уч йил муддатга акциядорлик жамияти бошқарув раисининг Uzbekistan Airways тижорат ва туризм бўйича ўринбосари қилиб тайинланди.

Қайд қилиш жоиз, Стратегик ислоҳотлар агентлиги Uzbekistan Airways акциядорлик жамиятининг овоз берувчи оддий акцияларига эга бўлган ягона акциядори ҳисобланади.