Тайван кучли тўфонга тайёрланмоқда: 3000 киши эвакуация қилинди
Тайванда минглаб одамлар эвакуация қилинмоқда, мактаблар ёпилган ва авиақатновлар бекор қилинган. Довулли шамоллар ва кучли ёмғирлар кутилмоқда.
Тайван «Хайкуй» тўфонига тайёргарлик кўрмоқда, бўронли шамоллар ва кучли ёмғирлар кутилмоқда. Маҳаллий ҳокимият органларининг 3 сентябр, якшанба куни маълум қилишича, эҳтиёт чораси сифатида уч мингга яқин одам эвакуация қилинган, аэропортлар деярли 250 та рейсни тўхтатган. Тайван жанубий ва шарқий қисмларида кўплаб идора ва таълим муассасалари ёпилди.
Тўфоннинг биринчи хабарчилари эрта тонгда орол қирғоқларига етиб келишди. Ноқулай об-ҳаво куннинг иккинчи ярмида кучайиб, 4 сентябр эрталабгача давом этган. Сўнгги маълумотларга кўра, айни дамда шамол тезлиги соатига 190 километрга етмоқда.
Хитойдаги тўфон
4 сентябр куни тўфон Хитой жанубий ҳудудларига етиб бориши кутилмоқда. Хитойнинг Гуандун ва Фуцзян провинцияларида қутқарувчилар кенг кўламли эҳтиёт чоралари туфайли кутилганидан камроқ жиддий бўлиб чиққан «Саола» тўфони оқибатларини бартараф этмоқда. Ўлим ҳолатлари қайд этилмаган.
Метеорологлар «Хайкуй» «Саола»дан кучсизроқ бўлишини тахмин қилмоқда.
Мавзуга оид
11:10
«Борис» тўфонидан жабр кўрган мамлакатлар 11 млрд евро олади
00:12 / 16.09.2024
Европада сув тошқинлари. Ёғингарчилик сабаб минглаб уйлар сув остида қолди, бир неча киши ҳалок бўлди
10:20 / 13.09.2024
Таиландда кузатилган тўфон оқибатида жабр кўрганлар орасида Ўзбекистон фуқаролари йўқ
21:06 / 12.09.2024