Болалар учун мўлжалланган Kivi Kids TV телевизори тақдим этилди
У тўп зарбаси ва маркер чизиқларидан «қўрқмайди».
IFA 2023 кўргазмасида Kivi компанияси Kids TV янги моделини намойиш этди. Номидан кўриниб турибдики, у болалар учун мўлжалланган.
Ушбу 32 дюймли HD Smart TV болалар ўйинларига «чидамли» бўлиб, экрани ёрилиб кетмайдиган, иссиқлик ва тирналишга чидамли ҳимоя ойнаси билан қопланган. Телевизорнинг рамкаси ва таглигидан LEGO конструктори қисмлари учун асос сифатида фойдаланиш мумкин.
Телевизор Android 11 тизимида ишлайди ва филм ёки мултфилм томоша қилаётганда болаларнинг кўзини ҳимоя қилиш учун кўк нур миқдорини камайтирадиган Low BlueLight технологиясини қўллаб-қувватлайди. Тўпламда овозли бошқарувга эга пулт ҳам бор.
Телевизорда AlumiGlow ёритгичи мавжуд, ундан телевизор ўчирилган бўлса ҳам фойдаланиш мумкин: экран сўнади ва тунги чироққа айланади.
Kivi Kids TV сотувга чиқиш санаси ва нархи ҳали эълон қилинмади. Бироқ, inSmart нашри уни 8499 чех крони ёки тахминан 4,5 млн сўмга сотувга чиқиши ҳақида ёзди.
Мавзуга оид

17:30 / 29.03.2025
Мактабларда смартфонларни тақиқлашнинг ўзи етарли эмас – тадқиқот

17:43 / 22.03.2025
Apple букланувчан ва икки экранли Apple Watch учун патент олди

21:05 / 19.03.2025
Nvidia «Юлдузлар жанги» фильмидан илҳомланиб, янги роботни яратди

16:59 / 15.03.2025