Қўшимча функционаллар
-
Тунги кўриниш
Брюссел: ЕИ дипломати 500 кундан бери Эрон қамоқхонасида сақланмоқда
Европа дипломатияси раҳбари Жозеп Боррелнинг сўзларига кўра, Европа Иттифоқи ташқи алоқалар Швеция хизматининг ходими Йохан Флодерус Эронда «ноқонуний» ҳибсга олинган.
Европа Иттифоқи ташқи алоқалар Швеция хизматининг ходими Йохан Флодерус Эронда 500 кундан ортиқ ҳибсда сақланмоқда. Бу ҳақда Европа Иттифоқининг (ЕИ) халқаро муносабатлар ва хавфсизлик сиёсати бўйича олий вакили Жозеп Боррел маълум қилди.
Европа дипломатияси раҳбарининг сўзларига кўра, Флодерус Эронда «ноқонуний» равишда қўлга олинган.
«Мен, бутун жамоам ва Европа Иттифоқи институтлари Швециянинг консуллик ҳимояси бўйича масъул органлари, шунингдек, унинг оиласи билан яқин алоқада бўлиб турибмиз», — деди Боррел.
Европа дипломатияси раҳбарининг таъкидлашича, Брюссел Флодеруснинг озод этилиши учун Эрон ҳукуматига босим ўтказмоқда.
«Биз бу масалани Эрон билан барча даражадаги дипломатик алоқаларда муҳокама қилиш учун кўтарамиз», - деди Боррел.
Аввалроқ New York Times 33 ёшли швед Йохан Флодерус 2022 йил апрел ойида сайёҳ сифатида борган Эронда ҳибсга олингани ҳақида ёзган эди.
Мавзуга оид
08:51 / 04.06.2026
Кувайт аэропортида Эроннинг дрон зарбаси оқибатида 1 киши вафот эди, ўнлаб инсонлар жароҳатланди
20:03 / 23.05.2025
Римда АҚШ ва Эрон ўртасида ядровий дастур бўйича музокаралар бошланди
16:28 / 23.05.2025
Эрон 2023 йилда Озарбойжон элчихонасига ҳужум қилган эркакни қатл қилди
20:49 / 15.05.2025