Шавкат Мирзиёев Тожикистонга жўнаб кетди

Душанбе шаҳрида Марказий Осиё мамлакатлари етакчиларининг навбатдаги маслаҳат учрашуви бўлиб ўтади.

Фото: Президент матбуот хизмати

Ўзбекистон президенти Шавкат Мирзиёев Тожикистон президенти Имомали Раҳмоннинг таклифига биноан 14 сентябр куни амалий ташриф билан ушбу мамлакатга жўнаб кетди.

Ташриф дастурига мувофиқ, Душанбе шаҳрида Марказий Осиё мамлакатлари етакчиларининг навбатдаги маслаҳат учрашуви ва Оролни қутқариш халқаро жамғармаси таъсисчи давлатлари раҳбарларининг йиғилиши бўлиб ўтади.

Шунингдек, Ўзбекистон президенти икки томонлама музокаралар ўтказиши ва бошқа тадбирларда иштирок этиши кўзда тутилган.