Лукашенко: Беларус ҳудудида уруш бўлмайди
Сиёсатчи яна бир бор Беларус ҳеч кимга таҳдид қилмаслигини билдирди.
Беларус ҳудудида замонавий шароитларда уруш бўлмайди, бу мумкин эмас. Бу ҳақда Беларус президенти Александр Лукашенко маълум қилди, деб хабар беради БEЛТА.
«Президент ва Олий бош қўмондон сифатида бугун беларусларга мурожаат қилиб, сизни ишонтириб айтмоқчиман: биз жанг қилмоқчи эмасмиз ва жанг қилмаймиз. Беларус ҳудудида замонавий шароитларда уруш бўлмайди. Бу мумкин эмас», деди давлат раҳбари.
Шу билан бирга, у, агар керак бўлса, «республикани сўнгги аскар ва беларуслик қолгунича ҳимоя қиламиз», деб таъкидлади.
Сиёсатчи яна бир бор Беларус ҳеч кимга таҳдид қилмаслигини билдирди. «Биз ҳеч қачон ҳеч кимга таҳдид қилмаймиз, бу бизнинг сиёсатимиз эмас. Объектив равишда ҳам биз ҳеч кимга таҳдид қила олмаймиз. Лекин биз кучли ёки кучсиз бўлсак ҳам, ўзимизни ҳимоя қилишга мажбурмиз. Бу бизнинг тарихий ролимиз», деди у.
Мавзуга оид
11:10 / 09.10.2024
Беларусда мухолифатчиларга қарши янги йирик иш очилди
20:39 / 08.10.2024
Беларусда «давлат ҳокимиятини эгаллашга уринган» 22 нафар мухолифатчига жиноят иши қўзғатилди
10:50 / 05.10.2024
Суриштирув: БР украиналик болаларни ҳарбийлаштиришга алоқадор
21:50 / 04.10.2024