Озарбойжон ва Қозоғистон Каспий денгизида қўшма машғулотлар ўтказмоқда
2 октябр куни Қозоғистон ҳарбий-денгиз флотининг ҳарбий кемалари ва шахсий таркиби қўшма тактик машғулотларда қатнашиш учун Бокуга етиб келди.
Бокуда Озарбойжон ва Қозоғистон Ҳарбий-денгиз кучлари кемалари ва ҳарбий хизматчилари иштирокида «Хазри-2023» қўшма тактик ўқув машғулотлари ўтказилмоқда. Бу ҳақда Озарбойжон Мудофаа вазирлиги хабарида айтилади.
Машқлар икки давлат Мудофаа вазирлиги томонидан имзоланган қўшма ҳаракатлар режасига мувофиқ амалга оширилмоқда.
2 октябр куни Қозоғистон ҳарбий-денгиз флотининг ҳарбий кемалари ва шахсий таркиби қўшма тактик машғулотларда қатнашиш учун Бокуга етиб келди.
Озарбойжон Ҳарбий-денгиз кучлари қўмондони, вице-адмирал Субхон Бакиров Қозоғистон Республикаси Қуролли кучлари Ҳарбий-денгиз кучлари қўмондони контр-адмирал Сакен Бекжанов бошчилигидаги делегация билан учрашди.
Бакиров Каспий денгизининг Озарбойжон секторида қўшма тактик ўқув машғулотлари икки давлат ҳарбий хизматчилари ўртасида ўзаро тажриба алмашиш, уларнинг касбий маҳорати ва тайёргарлик даражасини янада оширишга катта ҳисса қўшишини таъкидлади.
8 октябрга қадар давом этадиган Озарбойжон-Қозоғистон қўшма тактик машғулотларида турли эпизодлар бўйича ҳаракатлар амалга оширилади.
Мавзуга оид
12:51 / 03.10.2024
Ўзбекистон ва Озарбойжон ўртасидаги товар айланмаси сезиларли тарзда ўсмоқда
23:53 / 30.09.2024
Озарбойжонда ўзбекистонлик ҳарбийлар иштирокида «Маҳорат-2024» қўмондонлик-штаб ўқувлари бошланди
20:16 / 27.09.2024
Арманистон Боку билан тинчликка эришиш учун Конституциясини ўзгартиришга тайёр
09:50 / 20.09.2024