Қўшимча функционаллар
-
Тунги кўриниш
Британия иккита кемасини Шарқий Ўрта Ер денгизига юборади
Қироллик денгиз флотининг RFA Argus ва RFA Lyme Bay кемалари Шарқий Ўрта Ер денгизига жўнатилади.
Британия Исроилни қўллаб-қувватлаб, Шарқий Ўрта Ер денгизига иккита қироллик денгиз флоти кемаси ҳамда денгиз патрули ва кузатув самолётларини жойлаштиришини эълон қилди.
Бош вазир идораси баёнотида айтилишича, Риши Сунак «Исроилни қўллаб-қувватлаш ва минтақавий барқарорликни мустаҳкамлаш ҳамда тарангликнинг кучайишига йўл қўймаслик» учун Шарқий Ўрта Ер денгизига Британия ҳарбийларини жойлаштиришга буйруқ берган.
Хабарда қайд этилишича, Қироллик денгиз флотининг RFA Argus ва RFA Lyme Bay кемалари Шарқий Ўрта Ер денгизига жўнатилади, минтақа барқарорлигига таҳдидларни кузатиш учун 13 октябрдан бошлаб денгиз патрули ва кузатув самолётлари минтақада парвоз қила бошлайди.
Шунингдек, қироллик денгиз флотининг ишчи гуруҳи кейинги ҳафта ҳуманитар ёрдам саъй-ҳаракатларини қўллаб-қувватлаш учун фавқулодда чора сифатида Шарқий Ўрта Ер денгизига жойлаштирилиши қайд этилган.
Мавзуга оид
18:29 / 27.05.2025
Аргентина Британияни Фолкленд ороллари бўйича музокараларни қайта тиклашга чақирди
09:22 / 23.05.2025
Британиялик 500 дан ортиқ ўқитувчи Ўзбекистондаги мактабларга жалб қилинади
10:39 / 20.05.2025
Британия, Франция ва Канада Исроилга «аниқ чоралар» билан таҳдид қилди
15:18 / 18.05.2025