Ғазода Исроил авиазарбаси оқибатида бир оиладан 7 бола ҳалок бўлди

Исроилнинг Ғазо секторига ҳаво ҳужуми оқибатида 9 нафар фаластинлик ҳалок бўлди.

Фото: AP

Исроилнинг Ғазо секторига уюштирган ҳаво ҳужумида 9 нафар фаластинлик, жумладан, бир оиладан 7 бола ҳалок бўлди.

Тиббий манбалар ва гувоҳлардан олинган маълумотларга кўра, Ғазо сектори жанубидаги Хон Юнус шаҳрида Исроил ҳаво ҳужуми натижасида фаластинлик Ал-Беҳети оиласи яшайдиган уй зарар кўрган.

Ҳужум натижасида 9 киши, жумладан, бир оиладан бир она, ота ва 7 бола ҳалок бўлди, ўнлаб кишилар яраланди.

Ҳаво ҳужумидан кейин Ал-Беҳети оиласи яшаган уй бутунлай вайрон бўлган, яқин атрофдаги бинолар ҳам зарар кўрган.

Исроил кучлари бу ҳужумни ҳеч қандай олдиндан огоҳлантирмасдан ва маълумот бермасдан амалга оширган.

Тайёрлаган Отабек Матназаров

#Исроил #Ғазо

2023 йил 7 октябр куни Ғазо бўлгасидаги Ҳамас кучлари Исроилга ёппасига ракета зарбалари бериб, чегарадаги аҳоли пунктларини эгаллай бошлади. Бунга жавобан Исроил қўшинлари Ғазо бўлгасига бостириб кирди. Бу сафарги эскалация аввал кузатилмаган даражада кўп қурбонларга олиб келди.