Мактабларда кузги таътил 4 ноябрдан бошланади

Ўқувчилар 10 ноябрдан иккинчи чорак учун ўқишга қайтади.

Фото: Kun.uz

Ўзбекистондаги умумтаълим муассасаларида ўқувчилар 4 ноябрдан таътилга чиқади.

Мактабгача ва мактаб таълими вазирлигининг Kun.uz'га тасдиқлашича, жорий ўқув йилининг биринчи чораги 3 ноябрдан якунланади. Ўқувчилар 4 ноябрдан бошлаб 6 календар кун давомида таътилда бўлиб, иккинчи чоракни 10 ноябрдан бошлашади.

Маълумот учун, 2017 йилда қабул қилинган ҳукуматнинг тегишли қарорига кўра, ўқув йили давомидаги таътиллар муддатлари қуйидагича деб белгиланади:

кузги таътил — 4 ноябрдан бошлаб 6 календар кун;
қишки таътил — 28 декабрдан бошлаб 14 календар кун;
баҳорги таътил — 21 мартдан бошлаб 7 календар кун;
ёзги таътил — охирги босқичли назорат синови ўтказилган кундан (босқичли назорат ўтказилмайдиган синфлар учун ўқув йили тугаган кундан кейинги кундан) бошлаб 1 сентябргача.

Таътилнинг охирги куни байрам (ишланмайдиган) кунга тўғри келиб қолган тақдирда, дарс машғулотлари кейинги иш кунидан бошлаб давом эттирилади. И синф ўқувчилари учун феврал ойи давомида қўшимча бир ҳафталик таътил белгиланади.