Оёқсиз сапёр ва Изюмдаги харобалар. Уруш суратлари

Украинадаги урушнинг 608-куни ўтди. Асосий маълумотлар:

Кремл пропагандачи нашрлардан Украинадан қайтиб келган россиялик ҳарбийлар содир этган жиноятлар ҳақида ёзмасликни сўраган.
РФ мудофаа вазирлиги украинларнинг экипажсиз катерлари Севастопол бухтасига ҳужум қилгани ҳақида хабар берди. Украина бу айбловга жавоб қайтармаган.
Уляновскда «Юлдузлар аллеяси»дан Чулпан Хаматованинг юлдузи олиб ташланди. Актриса урушга қарши чиққанди.
Волгоград областидаги ҳарбий қисмда интизомни бузганлар учун «қийноқ ўралари» пайдо бўлган, деб ёзади «Важние история».
Ростов областида ҳаво ҳужумидан мудофаа тизимлари ишлади. Област губернатори Василий Голубевга кўра, қурилмалар Украина ҳудудидаги нишонлар бўйича «муваффақиятли ишлаган».
Молдовада Россиянинг 20 дан ортиқ интернет-порталлари блокланди. Улар қаторида — RT, НТВ сайтлари, «Звезда» телеканали ҳамда «Маяк» радиоси бор.

Изюмдаги вайронгарчилик

Харкив областидаги вайронага айланган Изюм шаҳрида қуёш ботиши. Россиялик ҳарбийлар шаҳарни урушнинг илк кунларида эгаллаб олганди. Изюм 2022 йил сентябрида украинларнинг қарши ҳужуми давомида Украина ҚК назоратига қайтарилганди
Bram Janssen / AP / Scanpix / LETA

Изюм яқинидаги украин сапёрлари

Миллий полициянинг миналардан тозалаш бўйича махсус бўлинмаси амалиёт вақтида танкка қарши миналар аниқланган жойни белгилаб чиқмоқда
Sofiia Gatilova / Reuters / Scanpix / LETA

Украина Миллий полицияси сапёри Ондрий Илков, у ўтган йили мина портлаши оқибатида оёғидан айрилган, Изюм ҳудудидаги майдонни миналардан тозалаш бўйича амалиёт ўтказмоқда. Бу отряд таркибида Херсон ва Харкив атрофини миналардан тозалаш ишлари вақтида оёқ ёки қўлини йўқотганидан кейин ҳам ишга қайтган икки сапёр бор
Sergey Bobok / AFP / Scanpix / LETA

Миллий полициянинг миналардан тозалаш бўйича махсус бўлими ходими Олексий Поляков танкка қарши минани чиқариб олмоқда
Sofiia Gatilova / Reuters / Scanpix / LETA

Изюм яқинидаги дала майдонида аниқланган миналарни тўплаб портлатиб юбораётган Украина миллий полицияси ходимлари
Sergey Bobok / AFP / Scanpix / LETA

Аннексия қилинган Донецкнинг ўққа тутилиши

Ўт ўчирувчилар отишма вақтида шикастланган уйдаги ёнғинни ўчирмоқда. Зарба оқибатида бир киши ҳалок бўлиб, икки киши яраланган. Донецк шаҳрининг Россия таъсиридаги раҳбари Алексей Кулемзин Украина қуролли кучларини шаҳарни ўққа тутишда айблаган, Украинада бунга муносабат билдирилмаган
AFP / Scanpix / LETA

#Украина #уруш суратлари

2022 йил 22 феврал куни Россия Украина чегарасидан ўтиб, қўшни мамлакатга бостириб кирди. Украина армияси жанг таклиф қилди.

Мавзуга оид

21:58

Кипр ҳукумати россиялик ва украиналик миллиардерларнинг «олтин» паспортларини олиб қўйди

21:03

Учинчи жаҳон урушидан қўрққан подкастер Жо Роган Зеленскийни сўкди. Унга Кличко ва бошқа украинлар жавоб қайтарди

17:32

Киев ва Москва ўртасидаги тинчлик музокаралари: у қандай кўринишда бўлиши мумкин?

16:11

Оёқсиз сапёр ва Изюмдаги харобалар. Уруш суратлари

Россия-Украина уруши

Мавзуга оид

Кипр ҳукумати россиялик ва украиналик миллиардерларнинг «олтин» паспортларини олиб қўйди

Учинчи жаҳон урушидан қўрққан подкастер Жо Роган Зеленскийни сўкди. Унга Кличко ва бошқа украинлар жавоб қайтарди

Киев ва Москва ўртасидаги тинчлик музокаралари: у қандай кўринишда бўлиши мумкин?

Фронтдаги вазият: РФ қуролли кучлари кутилмаганда Украинанинг яна бир «қалъаси» штурмини бошлади