Қўшимча функционаллар
-
Тунги кўриниш
Lufthansa самолёти безори йўловчи туфайли Тошкентга қўнди
Хитойдан Германияга учиб кетаётган самолёт экипажи парвозни тўхтатишга қарор қилган.
Фото: Uzbekistan Airports
Германиянинг Lufthansa авиакомпаниясига тегишли Boeing-747 самолёти фавқулодда ҳолат туфайли Тошкент халқаро аэропортига қўнди.
Қайд қилинишича, 30 октябр куни Хитойнинг Шанхай шаҳридан Германиянинг Франкфурт-Майн шаҳрига парвоз қилган самолёт бортида йўловчи безорилик қилган. Шундан сўнг, кема командири самолётни Тошкентга қўндиришга қарор қилган.
Шу билан бирга, Тошкент халқаро аэропортига ҳуқуқни муҳофаза қилиш идоралари ходимлари чақиртирилган. Безори йўловчи саомлётдан тушириб юборилган ва қўлга олинган. Шундан сўнг, ҳаво кемаси парвозни давом эттирган.
21 октябр куни Россиянинг «Аэрофлот» авиакомпаниясига тегишли самолёт бортида безорилик қилган Ўзбекистон фуқароси Тошкент халқаро аэропортида қўлга олинган эди. 24 октябр куни Тошкент шаҳри, Сергели туман суди унга нисбатан очилган маъмурий ишни кўриб чиқиб, БҲМ 3 баравари (990 минг сўм) миқдорида жарима жазосини тайинлади.
Мавзуга оид
17:01 / 28.03.2025
Жиззахда ҳайдовчи ёқилғи баки қопқоғини ёпмагани учун заправка ходимини калтаклади
23:36 / 26.03.2025
Аляскада самолёт музлаган кўл устига қулади. Унинг ичида бўлган оила 12 соатдан кейин қутқарилди
15:47 / 26.03.2025
Францияда самолёт парвоз вақтида йўқолган телефон туфайли шошилинч ортга қайтди
11:20 / 26.03.2025