Тошкентда 44 бор радарга тушган ҳайдовчининг машинаси хатланди

Ҳайдовчининг 25 млн сўмлик жарималари йиғилиб қолган.

Фото: Мажбурий ижро бюроси

Тошкентда 44 марта тезликни ошириб, йўл ҳаракати қоидасини бузган ва 25 млн сўмдан ортиқ миқдордаги жарималарни тўламаган ҳайдовчининг машинаси хатланди. Бу ҳақда Мажбурий ижро бюроси матбуот хизмати хабар бермоқда.

МИБнинг Яшнобод тумани бўлими Тошкент шаҳар ИИББ ЙҲХБнинг маъмурий жарима ундириш ҳақидаги ижро ҳужжатлари юзасидан ижро иши бошланган.

Қарздорга тегишли Nexia 3 русумли транспорт воситаси хатланиб, жарима майдончасига жойлаштирилган.

Ҳозирда ушбу автотранспорт воситасини реализация қилиш ишлари юзасидан ҳужжатлар расмийлаштирилмоқда.