Нодирбек Абдусатторов Champions Chess Tour 2023 финал босқичида иштирок этади

Ўзбекистонлик спортчи дунёнинг энг яхши 8 нафар шахматчиси қаторида 200 минг доллар мукофот учун курашади.

9-16 декабр кунлари Канаданинг Торонто шаҳрида шахмат бўйича Champions Chess Tour 2023 финал босқичи ўтказилади.

Унда ўзбекистонлик гроссмейстер Нодирбек Абдусатторов ҳам иштирок этади.

Соврин жамғармаси 500 минг АҚШ долларини ташкил қилувчи нуфузли супертурнир финалида дунёнинг энг кучли шахматчилари, жумладан, норвегиялик Магнус Карлсен, америкалик Фабиано Каруана, Ҳикару Накамура, Уэсли Со, франциялик Максим Вашие-Лаграв, Алиризо Фирузжо ва беларуслик Денис Лазавик ҳам бор.

Ғолиб 200 минг долларни қўлга киритади.