Ноқулай об-ҳаво Наманган аэропорти фаолиятини чеклаб қўйди
Кўриш масофаси пасайиши (250 метр) Red Wings авиакомпанияси рейсини Фарғонадаги муқобил аэродромга йўналтиришга сабаб бўлди.
Ноқулай об-ҳаво Наманган аэропорти фаолиятини чеклаб қўйди. Бу ҳақда Uzbekistan Airports хабар бермоқда.
Кўришнинг ёмонлиги (250 метр) Red Wings авиакомпанияси рейсини Фарғонадаги муқобил аэродромга йўналтиришга сабаб бўлди.
Ноқулай об-ҳаво шароити туфайли Россиянинг Red Wings авиакомпаниясининг Маҳачқалъа — Наманган йўналиши бўйича парвоз қилган RA1123 рейси кутиш ҳудудида бўлганидан сўнг Фарғона халқаро аэропортига йўналтирилди. Бортида 76 нафар йўловчи бўлган самолёт Тошкент вақти билан соат 10:21 да Фарғона аэропортига қўнди. Яқин соатларда йўловчилар Наманган аэропортига ерусти транспорти орқали етказилади.
Red Wings авиакомпаниясининг Наманган — Маҳачқалъа йўналиши бўйича RA1124 рейси Фарғона аэропортидан амалга оширилади. Йўловчилар Наманган шаҳридан белгиланган аэропортга ерусти транспортида етказилади.
Мавзуга оид
12:10
Ўзбекистон аэропортларида йўловчи ташиш ҳажми 33 фоизга ошди
20:48 / 09.10.2024
Бухоронинг янги аэропорти соатига 8 та самолётга хизмат кўрсатади
14:09 / 07.10.2024
Наманганда ўқувчилар ижарага олинган Gentraʼда ЙТҲга учради. Машинани бошқарган ўсмир вафот этган
11:46 / 05.10.2024