Тошкентда Matiz бутунлай ёниб кетди

ТҲАЙ - Янги Юнусобод кўчалари чорраҳасида Matiz’да қисқа туташув содир бўлгани оқибатида ёнғин келиб чиққан. Ёнғин ўт ўчирувчилар томонидан бартараф этилди, тан жароҳати олганлар йўқ.

Фото: ЙҲХБ

Тошкент шаҳар Юнусобод туманида Matiz бутунлай ёниб кетди. Бу ҳақда ЙҲХБ ахборот хизмати хабар берди.

12 январ куни Юнусобод тумани ТҲАЙ - Янги Юнусобод кўчалари чорраҳасида соат 18:00 ларда 1969 йилда туғилган ҳайдовчи бошқарувидаги Matiz’да қисқа туташув содир бўлганлиги оқибатида ёнғин келиб чиққан.

Ёнғин ўт ўчирувчилар томонидан бартараф этилган. Ёнғин натижасида тан жароҳати олганлар бўлмаган.

Мазкур ҳодиса юзасидан ЙҲХБ ҳамда ФВБ ходимлари томонидан суриштирув олиб борилиб, ёнғин юзага келишининг сабабларига аниқлик киритилмоқда.

#ёнғин #Matiz