Тошкент ва Наманган вилоятларида қор кўчиш хавфи эълон қилинди

«Ўзгидромет» агентлиги 25−31 январ кунлари қор кўчиш хавфидан огоҳлантирди. 

Хабарга кўра, ёғингарчилик ҳамда ҳаво ҳароратининг ўзгариши сабабли республиканинг тоғли ҳудудлари, жумладан: 

- Тошкент вилоятининг Бўстонлиқ, Оҳангарон ва Паркент туманлари (Чотқол тизмаси тоғлари);

- Наманган вилоятининг Поп туманида қор кўчиш хавфи эълон қилинади. 

Тоғли ҳудудларда истиқомат қилувчи фуқаролар, дам олувчилар ҳамда тоғли ҳудудларда ҳаракатланувчи ҳайдовчилардан эҳтиёт чораларини кўриш сўралмоқда.