Қўшимча функционаллар
-
Тунги кўриниш
Сурхондарёда ижтимоий ҳимоя учун ажратилган пуллар ўзлаштириб юборилди
Қарийб 500 млн сўм ўзлаштириш йўли билан талон-торож қилинди.
Сурхондарё вилоятида ижтимоий ҳимояга муҳтож ҳамда даволаниш ва жарроҳлик амалиёти ўтказиш учун ажратилган ёрдам пулларини ўзлаштирган бош ҳисобчи аниқланди.
Бош прокуратура ҳузуридаги Департаментнинг Термиз шаҳар бўлими томонидан ўтказилган терговга қадар текширувда «Маҳалла» хайрия жамоат фонди вилоят бўлим бошқаруви бош ҳисобчиси М.Т. ва бошқалар 2021-2022 йиллар мобайнида «Саховат ва кўмак» жамғармасидан ижтимоий ҳимояга муҳтож ҳамда даволаниш ва жарроҳлик амалиёти ўтказиш учун 48 нафар фуқарога ёрдам пуллари берилгани тўғрисида сохта ҳужжат расмийлаштирган. Оқибатда, 499,8 млн сўмни ўзлаштириш йўли билан талон-торож қилишган.
Ҳолат юзасидан Жиноят кодексининг 167-моддаси (ўзлаштириш ёки растрата йўли билан талон-торож қилиш) ва 209-моддаси (мансаб сохтакорлиги) билан жиноят иши қўзғатилиб, тергов ҳаракатлари ўтказилмоқда.
Мавзуга оид
13:36 / 06.11.2024
Сурхондарёда Cobalt'нинг газ қувурига урилиши оқибатида авария ҳолати содир бўлди
20:01 / 01.11.2024
Ўзбекистон Қаҳрамони Аҳмад Нарзуллаев вафот этди
17:32 / 26.10.2024
Кам таъминланган оилаларга электр ва газ тўловлари учун бир марталик компенсация берилади
10:02 / 19.10.2024