Сирдарёдаги автомобил бозори бошқа жойга кўчирилади

Сирдарё вилоятининг Мирзаобод туманидаги ҳафтанинг ҳар шанба куни ишлайдиган автомобил бозори бошқа жойга кўчирилади. Бу ҳақда вилоят ҳокимлиги матбуот хизмати хабар берди. 

Маълум қилинишича, унинг ўрнида 6 та арзонлаштирилган кўп қаватли уй-жой қурилади.

Автобозор халқаро аҳамиятдаги А–373 М–39 автойўли–Гулистон–Бўка–Ангрен–Қўқон ва Андижон орқали Ўш автомобил йўлининг 15-километридаги «Анор сотиш ва аҳолига бошқа маиший хизматлар кўрсатиш мажмуаси» ҳудудида иш бошлайди.