Татаристон раҳбари Сурхондарёга ташриф билан келади

Ташриф давомида эркин иқтисодий зона, логистика марказлари, ишлаб чиқариш корхоналари фаолияти билан танишиш режалаштирилган.

Фото: Сурхондарё вилояти ҳокимлиги матбуот хизмати

Сурхондарё вилояти ҳокими Улуғбек Қосимовнинг ўзаро ташрифлардаги таклифига биноан Татаристон раиси Рустам Миннихонов амалий ташриф билан бугун вилоятга келади.

Вилоят ҳокимлиги хабарига кўра, ташриф давомида эркин иқтисодий зона, логистика марказлари, ишлаб чиқариш корхоналари фаолияти билан танишиш режалаштирилган.

Шунингдек, воҳадаги тарихий ва диққатга сазовор жойларга ташриф ҳамда келгусидаги ҳамкорлик истиқболлари юзасидан музокаралар ўтказиш белгиланган.