Чирчиқда синтетик гиёҳвандлик воситаларини сотмоқчи бўлган шахс ушланди
Гумонланувчи шаҳар ҳудудида бир нечта жойларга полиэтилен пакетларга қадоқланган гиёҳванд моддаларни яшириб кетаётгани аниқланиб, қўлга олинган.
Жорий йилнинг 7 апрел куни Чирчиқ шаҳри ҳудудидан ўтган канал ёқасида ўзини шубҳали тутган шахс тунги хизматга жалб қилинган шаҳар ИИБ Патрул-пост хизмати ходимлари эътиборини тортган.
1996 йилда туғилган фуқаро Ғ.М. ходимлар томонидан тўхтатиб текширилганида, унинг ёнидан 21 дона сариқ полиэтилен пакетларда қадоқланган гиёҳванд моддасига ўхшаш модда борлиги аниқланиб, далилий ашё сифатида ҳужжатлаштирилиб олинган.
Ўтказилган суриштирув давомида у, шаҳарнинг Чинара ҳудудига 1 дона, ҳудуд яқиндаги анҳор бўйига 3 дона худди шундай сариқ полиэтилен пакетга қадоқланган синтетик моддаларни яширганлиги ва кейинроқ уларни ижтимоий тармоқда (локация) орқали сотмоқчи бўлгани аниқланган.
Ҳозирда ҳолат юзасидан Чирчиқ шаҳар ИИБ Тергов бўлими томонидан терговга қадар суриштирув ҳаракатлари олиб борилмоқда.
Мавзуга оид
15:58 / 03.10.2024
Янгийўлда 4 ёшли қизчани зўрлашда гумонланаётган шахс ушланди
09:10 / 01.10.2024
Тошкентда хонадонида 38 кг гиёҳвандлик воситасини сақлаб келган шахс ушланди
11:30 / 24.09.2024
18 кгдан зиёд синтетик гиёҳвандлик моддасини олиб киришга уриниш фош қилинди
10:34 / 23.09.2024