Ўзбекистонга тижорат мақсадида энг кўп қайси давлат фуқаролари келгани айтилди

2024 йилнинг январ-феврал ойларида Ўзбекистонга 16,9 минг нафар чет эл фуқаролари тижорат мақсадида ташриф буюрган.

Статистика агентлиги маълумотларига кўра, бу кўрсаткич ўтган йилнинг мос даври билан солиштирилганда 11,5 минг нафарга ёки 3,1 баробарга ошган.

Ўзбекистонга 2024 йилнинг дастлабки 2 ойида энг кўп қуйидаги давлатларнинг фуқаролари тижорат мақсадида ташриф буюрган:

• Туркманистон – 12 013 нафар;
• Тожикистон – 2 937 нафар;
• Афғонистон – 582 нафар;
• Хитой – 260 нафар;
• Туркия – 243 нафар;
• Ҳиндистон –167 нафар;
• Жанубий Корея – 133 нафар;
• Қирғизистон – 101 нафар;
• Эрон – 65 нафар нафар;
• АҚШ – 61 нафар.