Қўшимча функционаллар
-
Тунги кўриниш
Хитой Ойнинг орқа томонидан тупроқ йиғиш учун зонд учирди
Агар жараён муваффақиятли якунланса, Хитой Ойнинг орқа томонидан намуна олган биринчи давлатга айланади.
Фото: AFP
Хитой тарихда биринчи марта Ойнинг орқа томонидан тупроқ намуналарини йиғиб, уларни Ерга етказиши керак бўлган «Чанъэ-6» зондини муваффақиятли учирди.
Ракета Хитойнинг Ҳайнан оролидаги Вэнчан марказидан коинотга парвоз қилди. Хитой телеканаллари жараённи трансляция қилди.
Режага кўра, июн ойи бошида вазни 8 тоннадан ортиқ бўлган Хитой зонди Ойнинг орқа томонидаги Жанубий қутб - Эйткен ҳавзасида жойлашган Аполлон кратерига қўниши керак. Шундан сўнг зонд 2 килограмм тупроқ намунасини йиғади ва таҳлил қилиш учун Ерга қайтади. Миссия 53 кун давом этиши кутилмоқда.
Агар жараён муваффақиятли якунланса, Хитой Ойнинг орқа томонидан намуна олган биринчи давлатга айланади, деб ёзди Reuters.
«Чанъэ-6», шунингдек, Хитой ва Россия бошчилигидаги Халқаро Ой тадқиқот станциясини (ILRS) яратиш бўйича узоқ муддатли лойиҳанинг бир қисми ҳисобланади. Тахминларга кўра, станция коинотни чуқур тадқиқ қилиш базасига айланади.
Мавзуга оид
18:44 / 12.11.2024
Хитойда автомобил одамлар устига бостириб бориши оқибатида 35 киши ҳалок бўлди
22:21 / 11.11.2024
Reuters: Toyota Хитойдаги бизнес стратегиясини ўзгартиради
22:18 / 11.11.2024
Хитой 15 та сунъий йўлдошга эга тижорий ракетани учирди
16:03 / 11.11.2024