Қўшимча функционаллар
-
Тунги кўриниш
Андижонда қоидабузар куёвнинг 68 та жаримасини қайнота тўлаб берди
Қайнота 68 та қоидабузарлик учун 28 млн сўм тўлаб берган ва қизининг Lacetti машинасини жарима майдонидан олиб чиққан.
Фото: МИБ ахборот хизмати
Андижон шаҳрида йўл ҳаракати қоидаларини 68 марта бузган йигитнинг жарималарини унинг қайнотаси тўлаб берган. Бу ҳақда МИБ ахборот хизмати хабар бермоқда.
Маълум қилинишича, Андижон шаҳрида яшовчи М.А. хотинининг эгалигида бўлган Lacetti машинасини бошқариб, йўлларда ҳаракатланиш тезлигини мунтазам равишда меъёридан ошириб келган. Натижада 68 маротаба маъмурий ҳуқуқбузарлик содир этган.
Вилоят ИИБ ЙҲХБ органлари томонидан МИБ Андижон шаҳар бўлимига келиб тушган жарима солиш тўғрисидаги 68 та қарорларга мувофиқ М.У.дан жами 28 млн сўм ундирилиши белгиланган.
Бўлим давлат ижрочиси машина эгасини жарима пулларини тўлаши юзасидан огоҳлантирган. Қарздорлик тўланмагани сабабли Lacetti жарима майдонига олиб кириб қўйилган.
Шундан сўнг машина эгаси бўлган аёлнинг отаси куёви М.А. бошқарувида содир этилган 68 та жарима учун 28 миллион сўм миқдоридаги маъмурий жарималарни тўлаб берган ва қизининг машинасини жарима майдонидан олиб чиққан.
Мавзуга оид
18:34 / 08.11.2024
Марказий банк 7 та банк ва 2 та микромолия ташкилотини жаримага тортди
11:09 / 08.11.2024
Андижонда коттежлар қуриш учун ер ҳужжатини расмийлаштириб бериш эвазига 230 минг доллар талаб қилган шахс ушланди
14:41 / 06.11.2024
5 сотих ерни фуқарога расмийлаштириб бермоқчи бўлган экология бўлими бош инспектори 20 минг доллар билан ушланди
16:17 / 02.11.2024