Ўзбекистон ташқи ишлар вазири Уммонга ташриф буюради

Ўзбекистон ТИВ раҳбари Уммонда икки томонлама музокаралар ўтказади ва бизнес-форумда иштирок этади.

Бугун Ўзбекистон ташқи ишлар вазири Бахтиёр Саидовнинг Уммонга ташрифи бошланади.

Ўзбекистон ташқи ишлар вазири Бахтиёр Саидов бошчилигидаги делегация 26-27 июн кунлари Уммон Султонлиги пойтахти Масқат шаҳрида бўлади, деб хабар берди ТИВ раҳбари матбуот котиби Аҳрор Бурҳонов.

Ташриф давомида бир қатор икки томонлама музокаралар ва Ўзбекистон-Уммон бизнес-форумида иштирок этиш режалаштирилган.