Қодиров ўз қариндошини Чеченистон хавфсизлик кенгаши котиби этиб тайинлади

Чеченистон раҳбари Рамзон Қодиров унинг 27 ёшли қариндоши Ҳамзат Қодиров республика хавфсизлик кенгаши котиби этиб тайинлангани ҳақида хабар қилди.

Ҳамзат Қодиров Чеченистон раҳбарининг ёрдамчиси лавозимини ҳам эгаллаган.

Бунгача Чеченистон хавфсизлик кенгаши котиби лавозимида республика раҳбарининг амакиваччаси Турпал-Али Ибрагимов ишлаганди, у энди Шалинский районини бошқаради. «Уларнинг иккиси ҳам [Ибрагимов ва Қодиров] раҳбарлик лавозимларида бой тажрибага эга ва ўз зиммасига қўйилган вазифаларни бажара олади», — деган Чеченистон раҳбари.

10 май куни Давлат думасининг Чеченистондан бўлган депутати Адам Делимханов Рамзан Қодиров ўз қариндошини Мардлик ордени билан тақдирлагани ҳақида хабар қилганди. Россия президенти Владимир Путин ушбу орденни топшириш тўғрисидаги фармонини имзолаган. 

Делимханов ўз постида Ҳамзат Қодиров «махсус ҳарбий амалиётнинг бошиданоқ чечен жангчиларини қўллаб-қувватлашда фаол иштирок этгани» ҳақида ёзган.

• 2023 йилда Ҳамзат Қодиров II даражали «Ватан олдидаги хизматлари учун» ордени билан мукофотланганди, унга шунингдек Чеченистон қаҳрамони унвони берилган. Ўша вақтда у Чеченистон мулк ва ер муносабатлари вазири лавозимида иш бошлаганди.
• 2020 йил февралида, ҳали 23 ёш эканида Ҳамзат Қодиров Чеченистон спорт вазири лавозимида иш бошлаганди. Республика раҳбари ўз қариндошини бундай юқори лавозимга тайинланишини у — Ахмат Қодировнинг набираси экани билан изоҳлаганди.