Оқ уй Байден сайловда қатнашиш борасида «ўйловда қолгани»ни рад этди

The New York Times газетаси АҚШ президенти Жо Байден ҳақида шов-шувли хабар тарқатди. Унда айтилишича, гўёки президент яқин одамларидан бирига ўзининг сайловдаги иштироки ёмон якунланиши мумкинлигини тушунишини айтган ва сайловда курашни давом эттириш-эттирмаслик бўйича ўйловда қолган.

Фото: Reuters

Оқ уй ёлғон деб атаган хабарда айтилишича, Байден у билан гаплашган ўша одамга кейинги оммавий чиқишлари, хусусан, ABC News телеканалига берадиган 5 июлдаги интервюси яхши чиқиши сайловдаги имкониятларини яхшилашини айтган.

NYT билан гаплашган яна бир манба Байден дебатдаги омадсизликдан кейин унинг олдида турган сиёсий муаммоларни яхши тушуниб турганини айтган.

27 июн куни Жо Байден собиқ президент Доналд Трамп билан сайлов олдидан ўтказилган теледебатда иштирок этди ва бир неча марта гапини йўқотиб, тутилиб қолди. Шундан кейин унинг сайловда қатнашмаслиги, демократлар бошқа номзод қидираётгани ҳақида миш-мишлар кўпайди. Аммо Байден маъмурияти дебатдан кейин у пойгадан чиқмоқчи эмаслигини маълум қилди.

Тайёрлаган Ўткир Жалолхонов

#Жо Байден

2024 йил 5 ноябрида АҚШда навбатдаги президентлик сайловлари ўтказилади. Сайловолди кампанияси давомида ҳар икки номзоднинг имкониятлари тенг бўлиб турди.