Самарқандда “Нексия-2” уриб юборган бола ҳалок бўлди
2017 йилда туғилган бола кўчанинг белгиланмаган жойидан югуриб ўтаётганида “Нексия-2” уни уриб юборган. Бола шифохонада вафот этган.
Самарқанд туманида “Нексия-2” уриб юборган бола шифохонада вафот этди. Вилоят ИИБ ЙҲХБ ахборот хизматининг хабар беришича, ҳодиса 2024 йил 3 июл куни соат 18:00 ларда содир бўлган.
Ҳайдовчи “Нексия-2” машинасини Самарқанд тумани, “Жўйи сой” МФЙ ҳудудидан ўтган Уста Умар Жўрақулов кўчасида бошқариб кетаётганида йўлнинг белгиланмаган қисмидан югуриб ўтаётган болани уриб юборган.
Бола зудлик билан Самарқанд шаҳар марказий шифохонасига олиб келинган. Кўрсатилган тиббий муолажаларга қарамасдан у шифохонада ҳаётдан кўз юмган.
Ҳолат юзасидан Самарқанд тумани ИИБ тергов бўлими томонидан жиноят иши қўзғатилган. Ҳозирда дастлабки тергов ҳаракатлари олиб борилмоқда.
Аввалроқ, Навоий вилояти Хатирчи туманида аҳоли пунктида машинани соатига 142 км тезликда бошқарган ҳайдовчи пиёдалар йўлакчасидан ўтаётган 9 ёшли қизни уриб юборган. Оқибатда қиз воқеа жойида ҳалок бўлганди.
Мавзуга оид
09:54
Самарқандда қизларни Ўмон давлатига фоҳишаликка жўнатган аёлларга суд ҳукми ўқилди
12:16 / 14.09.2024
Самарқандда ОИИБ бошқарувчилар кенгаши йиллик йиғилиши ўтказилади
17:12 / 13.09.2024
Самарқандда мактабда қарта ўйнаган директор ишдан олинди
08:40 / 13.09.2024