Meta: Трампга суиқасд мавзусида сунъий интеллект «галлюцинация»га учраган

Facebook, Instagram ва WhatsApp'ни бирлаштирган Meta корпорацияси ўзининг сунъий интеллекти (СИ) АҚШ президентлигига Республикачилар партиясидан номзод Доналд Трампга суиқасд уюштирилгани фактини янглишиб инкор қилганини тан олди. Facebook глобал сиёсат бўйича вице-президенти Жоэл Каплан сешанба куни «хатода ҳеч қандай ёмон ният йўқ» деб ишонтирди.

Чат-бот Трампга суиқасд уюштирилганини тан олмади

2024 йил апрел ойида Meta ўзининг СИ-ёрдамчиси Meta AI'ни тақдим этди. У Facebook, Instagram ва WhatsApp фойдаланувчиларига ёрдам бериши керак. Масалан, чат-бот ресторан, концерт тавсия қилиши ёки саёҳат ташкил этиши мумкин. Meta AI 10 дан ортиқ мамлакатларда, жумладан АҚШ, Канада, Австралия, Жанубий Африка, Нигерия ва Покистонда инглиз тилида ишлайди. Европада ва постсовет мамлакатларида мавжуд эмас.

Доналд Трампга суиқасддан сўнг фойдаланувчилар Meta AI'дан отишма ҳақида сўрашни бошлади. Бироқ, чат-бот ўтмиш ҳақида узун маълумот билан жавоб берди ва АҚШ собиқ президентини ўлдиришга уриниш бўлганини рад этди. Бундан ташқари, Трампнинг суиқасддан сўнг муштини ҳавога кўтарган машҳур сурати Facebook ва Instagram'да сохта деб белгиланди.

Сунъий интеллект «галлюцинациялари»

Каплан тушунтирганидек, чат-бот кўп йиллар давомида тўпланган катта ҳажмдаги маълумотларни қайта ишлайди. Шунинг учун ҳам у тезкор янгиликлар билан шуғулланиши қийин. СИ сўнгги воқеалар ҳақидаги қарама-қарши маълумотлар билан чалкашиб кетади ва уларни ўтмиш билан ҳар доим ҳам муваффақиятли таққосламайди. Шу сабабли Meta раҳбарияти дастлаб чат-ботга Трампга суиқасд ҳақида гапиришни тақиқлаган. Кейин тақиқ олиб ташланди, аммо СИ бир мунча вақт сукут сақлашда давом этди ёки отишма бўлмаганини даъво қилди.

«Кичик ҳолларда Meta AI нотўғри жавоблар беришда давом этди, баъзида воқеа содир бўлмаган деб даъво қилди - биз бунинг устида ишлаяпмиз. Бундай турдаги жавоблар галлюцинациялар деб аталади, бу бутун саноат муаммоси, Биз буни барча СИ авлод тизимларида кўрамиз, бу сунъий интеллектнинг реал вақт режимида қандай ишлаши билан боғлиқ давом этаётган муаммо, барча СИ авлод тизимлари каби, ноаниқ ёки аҳамиятсиз маълумотлар берилиши мумкин», - деди Каплан.

Нима учун чат-бот Трампнинг суратини сохта деб тан олди?

Менежер Трампнинг суиқасддан сўнг дарҳол муштини ҳавога кўтарган сурати билан боғлиқ муаммоларни баъзи шахслар интернетда сохта суратни жойлаштиргани ва АҚШ Махфий хизмати ходимларига табассум қўшиб қўйгани билан изоҳлади. Meta бу шаржни сохта деб белгилади. Аммо СИ барча шунга ўхшаш кадрларни, шу жумладан асл нусхасини ҳам блоклашни бошлади.