Қўшимча функционаллар
-
Тунги кўриниш
Эрон Венгрия орқали Исроилга бўлажак ҳужум ҳақида огоҳлантириш юборди
Теҳрон бошқа давлат орқали Тел-Авивни огоҳлантирди, бироқ ҳужум санаси маълум эмас.
Фото: Reuters
Эрон Исроилга қарши ҳужумга тайёрланмоқда ва Тел-Авивга огоҳлантириш юборган. Бу ҳақда Исроил ташқи ишлар вазири Исраэл Кац маълум қилди, деб ёзди The Jerusalem Post.
Кац сўзларига кўра, Венгрия ташқи ишлар вазири Петер Сиярто унга қўнғироқ қилиб, Эрон ташқи ишлар вазири Али Боқирийдан тегишли маълумот олганини айтган.
«Эрон бизга Исроилга ҳужум қилиш ниятида эканлигини айтди. Дунё Эрондан ҳар қандай тажовузкор ҳаракатлари учун жавобгарлик талаб қилиши керак», деди Кац.
Кац бошқа тафсилотларга тўхталмади.
Эрон 31 июлга ўтар кечаси Теҳронда ҲАМАС сиёсий бюроси раҳбари Исмоил Ҳаниянинг ўлдирилишига жавобан Исроилга зарба беришини эълон қилган эди. Исроил ушбу қотилликда расман жавобгарликни ўз зиммасига олмаган.
Ўз навбатида Исроил бош вазири Бинямин Нетаняҳу ҳукумати ҳам Эронга огоҳлантирувчи зарба беришни кўриб чиқаётгани хабар қилинган эди.
Ғазодаги геноцид
Мавзуга оид
12:27
Асирларни озод қилишга тайёр ҲАМАС, Судандаги жим геноцид ва Трамп депортациясини тўхтатган суд — кун дайжести
09:32
Эрон армияси сунъий интеллектга асосланган ўта махфий қуроли борлигини маълум қилди
08:58
Исроилнинг Ғазода урушни давом эттиришдан бошқа иложи йўқ - Нетаняҳу
15:18 / 20.04.2025