ОАВ: Исроил Эроннинг кенг кўламли ҳужумини кутмоқда
Аввалроқ Эрон Теҳронда Ҳамас етакчисининг ўлдирилишига жавоб қайтаришга ваъда берган эди.
Исроил Эрондан юзлаб учувчисиз учоқлар ва ракеталар учирилган жорий йилнинг апрел ойидаги ҳодисадан кўра каттароқ ҳужумга тайёрланмоқда.
Бу ҳақда Исроилнинг KAN жамоат телеканали хабар берди.
Исроил томони Эрон сиёсий босим туфайли ўз ниятидан «чекинди» деган даъволарга қарамай, Теҳрон зарба беришга «қатъий» эканини баҳолади.
Айни пайтда, Исроил мудофаа вазири Йоав Галант Исроилга ҳужум қилинган тақдирда «мисли кўрилмаган зарба» билан жавоб қайтаришга ваъда берди.
«Эрон ва «Ҳизбуллоҳ»дан бўлган душманлар бизга илгари ишлатилмаган усуллар орқали зарар етказиш билан таҳдид қилмоқда. Кимки бундай ишга қўл урса, биздан мисли кўрилмаган зарбани кутиши керак», — дейди идора бошлиғи.
31 июл куни Фаластиннинг Ҳамас ҳаракати сиёсий бюроси раиси Исмоил Ҳания Теҳронда суиқасд натижасида ҳалок бўлди.
Эрон ва Ҳамас Исроилни қотилликни уюштирганликда айблади.
Эрон Ҳамас етакчисининг ўлдирилишига жавоб қайтаришга ваъда берди.
Мавзуга оид
13:25
Эрон парадда янги ракета ва дронларни намойиш қилди
18:30 / 22.09.2024
Исроил Ливандаги пейжерлар портлатилишига биринчи марта изоҳ берди
16:57 / 22.09.2024
Эронда кўмир конида портлаш рўй берди. Ўнлаб кишилар ҳалок бўлган
13:33 / 22.09.2024