Ўзбекистон | 21:02 / 15.08.2024
6656
1 дақиқада ўқилади
Тошкентдан учта вилоятга янги автобус қатнови йўлга қўйилди
Пойтахтни Қашқадарё, Сурхондарё ва Сирдарё вилоятлари билан боғловчи қатновлар амалга оширилади.
17 августдан бошлаб Тошкентдан Қашқадарё, Сурхондарё ва Сирдарё вилоятларига янги автобус қатновлари йўлга қўйилди. Бу ҳақда Транспорт вазирлиги хабар берди.
Қайд қилинишича, Uzautotrans Service корхонаси 17 августдан Тошкент – Шаҳрисабз – Китоб, Тошкент – Янгиер йўналишида, 22 августдан Тошкент – Қарши – Косон, Тошкент – Ғузор – Қамаши йўналишида, 23 август кунидан эса Тошкент – Бойсун йўналишида мунтазам автобус қатновларини амалга оширади.
Автобуслар Тошкент автовокзалидан йўлга чиқади.