Қўшимча функционаллар
-
Тунги кўриниш
Исроил армияси 24 соат ичида Ғазода 25 фаластинликни ўлдирди
2023 йил 7 октябрдан бери Исроилнинг Ғазо секторига уюштирган ҳужумлари натижасида ҳалок бўлган тинч аҳоли сони 40 минг 99 нафарга етди.
Фото: Anadolu Agency
Исроил армиясининг Ғазо секторида охирги 24 соат ичида уюштирган ҳужумларида 25 киши ҳалок бўлди, 72 киши тан жароҳати олди.
Ғазо Соғлиқни сақлаш вазирлигидан берилган баёнотда, Исроилнинг Ғазо секторида 317 кундан бери уюштирган ҳужумлари ҳақидаги маълумотлар келтирилди.
Ушбу маълумотга кўра, Исроил армиясининг Ғазо секторида ўтган 24 соат ичида содир этган икки ҳужумида ҳалок бўлган 25 кишининг жасадлари шифохоналарга келиб тушган.
2023 йил 7 октябрдан буён Исроилнинг Ғазо секторига уюштирган ҳужумлари натижасида ҳалок бўлган тинч аҳоли сони 40 минг 99 нафарга, яраланганлар сони эса 92 609 нафарга етди.
Ҳамас–Исроил уруши
