Қўшимча функционаллар
-
Тунги кўриниш
Беларус Ўзбекистонда биомедикал ҳужайра препаратлари ишлаб чиқармоқчи
Беларуснинг оммабоп tvr.by сайтида "Ўзбекистон ва Беларус фармацевтика соҳасида ҳамкорликни кенгайтирмоқда" сарлавҳали мақола эълон қилинди.
Фото: РИА Новости / Валерий Мельников
Манбада, 2024 йилда Тошкентда беларуслик мутахассислар иштирокида Регенератив тиббиёт марказини очиш режалаштирилаётгани хабар қилинган. Марказда биомедикал ҳужайра препаратлари ишлаб чиқариш режалаштирилган. Қайд этилишича, бу Ўзбекистонда соғлиқни сақлашнинг янги йўналиши ҳисобланади.
"Беларусда бу технологиялар беш йилдан ортиқ вақтдан бери фаол қўлланмоқда ва беларуслик шифокорлар ўзбекистонлик ҳамкасблари билан тажриба алмашишга тайёр", – дейилган нашрда.
Бундан ташқари, мақолада Беларус Соғлиқни сақлаш экспертиза ва синов маркази директори ўринбосари Олга Журавлеванинг Ўзбекистон билан ҳамкорликни кенгайтириш ҳақидаги фикрлари ўрин олган.
"Ўзбекистон – ўсиб бораётган йирик бозор. Албатта, бу бизнинг фармацевтика саноатимизни ўзига жалб қилади. Беларус томони у ерга дори воситаларини экспорт қилишдан манфаатдор. Ўзбекистонлик ишлаб чиқарувчилар бошқа бозорлар қатори Беларусга ҳам киришни истайди. Бу ғояларни амалга ошириш учун дастлаб икки томон ўртасида ҳамкорлик алоқалари кучайтирилиши керак", – дейди у.
Мавзуга оид
14:30 / 05.11.2024
Лукашенко: РФ Беларус орқали Полша, Литва, Латвия ва Украинага ҳужум қилмоқчи эмас
19:19 / 23.10.2024
Беларусда президентлик сайлови санаси белгиланди
11:40 / 16.10.2024
Фармацевтика тармоғини ривожлантириш агентлиги директорига ўринбосар тайинланди
20:04 / 14.10.2024