Қўшимча функционаллар
-
Тунги кўриниш
Ўзбекистон | 15:48 / 10.09.2024
7335
1 дақиқада ўқилади
Тошкент вилоятидаги бўёқ заводида ёнғин чиқди
Ёнғинни ўчириш ишлари олиб борилмоқда.
Тошкент вилояти Зангиота туманидаги бўёқ заводида содир бўлган ёнғин юзасидан Фавқулодда вазиятлар вазирлиги расмий изоҳ берди.
“Эркин” МФЙда жойлашган бўёқ ишлаб чиқариш цехи биносида чиққан ёнғин ҳақида 10 сентябр, соат 14:15 да вилоят ФВБга хабар берилган.
“Ёнғин ўчириш экипажлари тезкорлик билан етиб боришган, айни вақтда ёнғинни ўчириш ишлари бажарилмоқда”, — дейилади вазирлик хабарида.
Таъкидланишича, ёнғин натижасида тан жароҳати олган ва вафот этган фуқаролар тўғрисида хабар келиб тушмаган.
Воқеа жойига вазирлик раҳбарияти ҳамда масъул ташкилотларнинг вакиллари чиққан.
