Қўшимча функционаллар
-
Тунги кўриниш
«Ҳумо Арена» олдидаги кўчаларда автомобиллар ҳаракати чекланади
Футзал бўйича жаҳон чемпионати ўйинлари ўтказилиши сабабли баъзи кўчаларда транспорт воситаларининг ҳаракати қисман чекланади.
Тошкентнинг «Ҳумо Арена» спорт мажмуаси олдидаги баъзи кўчаларда автомобиллар ҳаракати вақти-вақти билан чекланади. Бу ҳақда Тошкент шаҳри ИИББ Йўл ҳаракати хавсизлиги бошқармаси хабар берди.
Қайд қилинишича, 14 сентябрдан 6 октябргача Тошкентда футзал бўйича жаҳон чемпионати ўйинлари «Ҳумо Арена»да ўтказилади. Шу сабабли, меҳмонлар ва мухлисларнинг хавфсизлигини таъминлаш ҳамда жамоат тартибини сақлаш мақсадида вақти-вақти билан қуйида келтирилган кўчаларда транспорт воситаларининг ҳаракати қисман чекланади:
- Фурқат - Бешёғоч кўчасидан Бешёғоч кўчаси бўйлаб, Бешёғоч - Афросиёб кўчалари кесишган чорраҳагача;
- Бешёғоч - Афросиёб кўчалари кесишган чорраҳадан, Афросиёб кўчаси бўйлаб;
- Ислом Каримов - Афросиёб кўчалари кесишган чорраҳа кўчасигача.
Тирбандликларнинг олдини олиш учун ҳайдовчиларга айланма йўллардан ҳаракатланиш тавсия этилган.
