Ўзбекистон ва Албания ўртасида янги битим имзоланди

Ўзбекистон ва Албания ташқи ишлар вазирлари Дипломатик паспорт эгалари учун визасиз тартиб тўғрисидаги битимни имзоладилар.

Фото: ТИВ

Ўзбекистон ташқи ишлар вазири Бахтиёр Саидов Ню-Йорк шаҳрида Албания Европа ва ташқи ишлар вазири Игли Ҳасани билан учрашди.

"Албания Европа ва ташқи ишлар вазири Игли Ҳасани жаноблари билан биргаликда дипломатик паспорт эгалари учун визасиз тартиб тўғрисидаги битимни имзоладик, – деб ёзди Ўзбекистон ТИВ раҳбари. – Биз Ўзбекистон ва Албания ўртасидаги икки томонлама муносабатларни фаоллаштириш ва амалий қадамлар қўйишга тайёрмиз. Учрашувимиз чоғида ўзаро муносабатларимизни, айниқса, иқтисодий йўналишда ривожлантиришга қаратилган муҳим таклифлар билан кенг фикр алмашдик".

Ўзбекистон ва Албания ўртасидаги дипломатик муносабатлар 1993 йил 23 ноябрда ўрнатилган.

#Албания #битим