Tesla АҚШдаги энг ҳамёнбоп модели савдосини тўхтатди
Мазкур электромобилда Хитойда ишлаб чиқарилган аккумулятордан фойдаланилган. Май ойидан бошлаб Америка ҳукумати Хитой батареялари учун 25 фоизли бож жорий этганди.
Tesla АҚШ бозорида стандарт қувват захирасига эга Model 3 электромобиллари савдосини тўхтатди, деб хабар беради Reuters.
Яқин вақтга қадар электр седан компания сайти орқали 38 минг 990 доллардан сотилаётган эди. У Tesla моделлари қаторида ҳамёнбоп вариант мақомига эга ҳисобланади.
Электромобилда Хитойда ишлаб чиқарилган литий-темир-фосфатли аккумулятордан фойдаланилган. Май ойидан бошлаб Америка ҳукумати Хитой батареялари, шунингдек, алюминий, пўлат ва минерал ресурслари учун 25 фоизли бож жорий этганди.
Ўшанда ХХРда ишлаб чиқариглан қуёш фотоэлементлари учун бож 50 фоизгача, тайёр электромобиллар учун эса 100 фоизгача кўтарилган. Бундан ташқари, Хитой эҳтиёт қисмлари фойдаланилган электр транспортларига 7,5 минг доллар миқдорида федерал солиқ солинган.
Ҳозирда Tesla’нинг энг арзон модели — Model 3 варианти 42 минг 490 доллардан сотилмоқда.
Июн ойида эса Tesla хавфсизлик камарини тақишдаги огоҳлантириш тизимида кузатилган носозлик сабаб АҚШда 125 мингдан зиёд автомобилини чақириб олиши маълум бўлганди. Апрелда эса Tesla 4 мингга яқин Cybertruck электромобилларини чақириб олиши айтилган эди. Ушбу машиналарнинг газ тепкиси детали алмаштирилиши керак.
Мавзуга оид
11:43 / 11.10.2024
Tesla тақдимотида Маск ўзи юрадиган микроавтобус ҳамда Optimus роботларининг янги авлодини кўрсатди
22:34 / 10.10.2024
Илон Маск Tesla тадбирида «кибертакси»ни намойиш этади
21:03 / 04.10.2024
Евроиттифоқ электромобиллар бўйича Хитой билан савдо урушини бошлади
11:15 / 02.10.2024