Қўшимча функционаллар
-
Тунги кўриниш
Ўзбекистон олтин-валюта захиралари 43 млрд доллардан ошди
Марказий банк захиралари кетма-кет тўрт ойдан бери ўсмоқда. Хусусан, октябр ойининг ўзида мамлакатнинг олтин-валюта захиралари қарийб 2 млрд долларга ошди.
Фото: Shutterstock
Ўзбекистоннинг расмий захира активлари октябр ойида 2 миллиард долларга ошиб, 43,14 миллиард долларга етди. Бу ҳақда Марказий банк томонидан эълон қилинган маълумотларда сўз боради.
Марказий банк захиралари кетма-кет тўрт ойдан бери ўсмоқда — июлда 1,06 миллиард долларга, августда — 1,75 миллиард долларга, сентябрда — 1,98 миллиард долларга, октябрда эса 2 миллиард долларга ошган.
Шунингдек, ўтган ойда хорижий валюта захиралари 511 миллион долларга ошган — 8,709 миллиарддан 9,220 миллиард долларгача. Захиралардаги олтиннинг физик ҳажми ўзгаришсиз қолмоқда — 12 миллион троя унцияси (367 тонна). Олтин захиралари қиймати 1,44 миллиард долларга ошиб, 33,36 миллиард долларга етган.
Бундан ташқари, Марказий банкнинг хорижий ҳисобварақларидаги нақд валюта ҳажми 445,5 миллион долларга ошиб, 9,11 миллиард долларга етган. Шундан 414,4 миллион доллари бошқа Марказий банклар, ХВЖ ва Халқаро ҳисоб-китоблар банкида сақланади.
Аввалроқ World Gold Council (WGC) жаҳон марказий банклари сентябр ойида олтин-валюта захираларидаги олтин ҳажмини 40 тоннага оширгани тўғрисида хабар берилганди. Энг кўп олтин сотганлар Қозоғистон (3,8 тонна), Иордания (2,7 тонна), Сингапур (1,3 тонна) ва Ўзбекистон (0,6 тонна) марказий банклари бўлган.
