Қўшимча функционаллар
-
Тунги кўриниш
Покистонда тўй автобуси дарёга қулаши оқибатида 22 киши ҳалок бўлди
Автобус ичида бўлган тўй маросими иштирокчиларидан фақат келин омон қолган. Ҳозирда у турли тан жароҳатлари билан шифохонага ётқизилган.
Фото: Dawn
Покистон шимолида тўйга кетаётган автобус дарёга қулаб тушиши оқибатида 22 киши ҳалок бўлди. Dawn телеканалининг маълум қилишича, автобус ичида бўлган тўй маросими иштирокчиларидан фақат келин омон қолган.
Полиция маълумотларига кўра, келин турли тан жароҳатлари олган ва ҳозирда шифохонага ётқизилган.
«Йўл-транспорт ҳодисаси содир бўлган ҳудудда об-ҳавонинг ёмонлиги, маҳаллий йўлларнинг тор ва сифатсиз экани, транспорт воситалари ортиқча юк билан ҳаракатланиши ҳамда йўл белгиларининг камлиги туфайли бу каби ҳолатлар тез-тез содир бўлиб туради», — дейилади хабарда.
Таъкидланишича дарёдан 16 кишининг жасади олиб чиқилган, ҳозирда қидирув ишлари давом этмоқда. Покистон президенти Асиф Али Зардарий қурбонларнинг оила аъзоларига ҳамдардлик билдирган.
Эслатиб ўтамиз, 2017 йилда Непал марказидан ўтувчи дарёга йўловчи автобусининг қулаб тушиши оқибатида камида 19 киши ҳалок бўлган, 16 нафари шифохонага ётқизилган эди.
Мавзуга оид
21:17 / 24.05.2025
“Мудофаамизга яна таҳдид юзага келса, жим ўтирмаймиз” – Покистон элчиси билан суҳбат
21:28 / 22.05.2025
Тошкентда йўловчилар автобус ҳаракатига тўсқинлик қилган автомобил ҳайдовчисини жазолади
20:24 / 20.05.2025
Сергели ва Юнусободни тезюрар автобус йўлаги боғлайди. Лойиҳа қиймати – 50 млн доллар
00:15 / 20.05.2025