Тошкент туманидаги цехда ёнғин содир бўлди

Тошкент вилояти ФВБга 22 ноябр куни соат 11:43 да Тошкент тумани, “Ободлик” МФЙ, Ойбек кўчасида жойлашган МЧЖга қарашли бинода ёнғин содир бўлаётгани ҳақида хабар келиб тушди. 

Ёнғин жойига 7 та ёнғин ўчириш экипажи жалб қилинган. Экипажлар ёнғин жойига соат 11:50 да етиб бориб, ёнғин соат 13:30 да тўлиқ ўчирилган. 

Ҳозирда содир бўлган ёнғиннинг келиб чиқиши сабабини аниқлаш бўйича суриштирув ишлари олиб борилмоқда. 

Ҳодиса оқибатида тан жароҳати олган ва вафот этганлар йўқ.