Қўшимча функционаллар
-
Тунги кўриниш
АҚШ Конгресси Трампнинг президентлик сайловидаги ғалабасини тасдиқлади
АҚШ Сенати ва Вакиллар палатаси аъзолари 6 январ куни ўтказилган махсус йиғилишда Доналд Трампнинг президентлик сайловидаги ғалабасини тасдиқлади.
Конгресс палаталарининг қўшма йиғилишига Камала Ҳаррис раислик қилди, деб хабар беради The Guardian.
Трампнинг ғалабаси тасдиқланганини президентлик сайловларида унга рақиблик қилган, АҚШнинг амалдаги вице-президенти Камала Ҳаррис эълон қилди.
Трамп сайловчиларнинг 312 та овозини қўлга киритган. Ҳаррис бу ҳақида эълон қилганидан кейин республикачилар ўз қарсак ва ҳайқириқлари билан унинг чиқишини узиб қўйган. Бир неча сониядан кейин Ҳаррис сайловчиларнинг 226 та овозини қўлга киритганини айтган, шундан сўнг демократлар қарсак чалишга ўтган.
Тўрт йил олдин, 2021 йил 6 январда президентлик сайлови натижалари ва Жо Байденнинг ундаги ғалабаси тасдиқланадиган кунда Конгресс йиғилиши бир неча соатга тўхтатиб қўйилган эди — бунга Доналд Трамп тарафдорлари Капитолийга бостириб киргани сабаб бўлган.
Трамп ғалаба қозонган президентлик сайловлари 2024 йил 5 ноябр куни бўлиб ўтганди, унинг инаугурацияси 20 январ санасига режалаштирилган.
Мавзуга оид
08:51 / 04.06.2026
Кувайт аэропортида Эроннинг дрон зарбаси оқибатида 1 киши вафот эди, ўнлаб инсонлар жароҳатланди
15:12 / 26.05.2026
Наркожиноятда айбланиб, қидирувда бўлган ўзбекистонлик АҚШдан депортация қилинди
12:35 / 28.05.2025
Трамп: Канада "Олтин гумбаз" ҳимоясини 61 млрд долларга олади
11:00 / 28.05.2025