Қашқадарёда автомобилда «дрифт» қилишга уринган икки йигит ҳалок бўлди

Ҳолат юзасидан тергов ҳаракатлари олиб борилмоқда.

Фото: Видеодан кадр

Қашқадарё вилояти, Қарши шаҳрида 19 ёшли икки йигит йўл-транспорт ҳодисаси оқибатида ҳалок бўлди. Бу ҳақда MY5 телеканали хабар берди.

Қайд қилинишича, ҳодиса 30 январ куни Насаф кўчасида содир бўлган. Nexia-3 автомобили рулида бўлган 19 ёшли йигит «дрифт» қилишга уринган, бироқ бошқарувни йўқотиб, йўл четидаги дарахтга урилган.

Оқибатда автомобил салонидаги икки нафар 19 ёшли йигит воқеа жойида ҳалок бўлган.

Ҳолат юзасидан тергов ҳаракатлари олиб борилмоқда.