Чинозда йигит ўз опасини ўлдириб, жасадини 7 кун уйда сақлади

Қотиллик сабаблари маълум эмас.

Фото: Видеодан кадр

Тошкент вилояти, Чиноз туманида эркак ўз опасини ўлдириб, жасадини 7 кун давомида уйда сақлади. Бу ҳақда «Миллар» дастурида хабар берилди.

Қайд қилинишича, ҳодиса 14 февраль куни содир бўлган. 26 ёшли эркак дўстларига телефон қилиб, ўз опасини ўлдиргани ҳақида айтган. Дўстлари ҳазиллашяпти, деб ўйлаб, унинг уйига борган. Шунда 30 ёшли аёлнинг жасади топилган.

Аниқланишича, мурда бир ҳафта уйнинг балконида сақланган. Эркак уни гиламга ўраб қўйган.

Қотиллик сабаблари маълум эмас.

Қўшниларнинг сўзларига кўра, оила яхши хулқли бўлган. Эридан ажрашган марҳум аёл 2 фарзанди билан ажрашиб, онаси ва укаси билан бирга яшаган.