Япония ташқи ишлар вазирининг Россияга кириши тақиқланди

Россия Ташқи ишлар вазирлиги Япониянинг тўққиз нафар фуқаросига, жумладан, ташқи ишлар вазири Такэси Иваенинг мамлакатга киришини тақиқлади.

Фото: Getty images

Чекловлар, шунингдек, япон дипломатлари ва Япониянинг йирик компаниялари раҳбарларига нисбатан ҳам қўлланилган. Бу каби чоралар Токионинг Москвага қарши санкцияларига жавоб тарзида қабул қилинган.

Россияга кириш тақиқланган Япония фуқаролари:

Япониянинг Украинадаги элчиси Масаси Накагомэ ва ундан олдин мазкур лавозимда фаолият юритган Кунинори Мацуде;
Япониянинг Халқаро ҳамкорлик агентлиги (JICA) катта вице-президенти Сёхэю Харе, шунингдек, агентликнинг Украинадаги офиси раҳбари Хидэки Мацунаге;
Қурилиш соҳаси учун юқори технологик маҳсулотларни ишлаб чиқарувчи IHI Corporation компанияси президенти Хироси Идэ;
ISUZU Motors Limited автомобилсозлик компанияси президенти Синсукэ Минами;
Prodrone Co. Ltd президенти Сюнсукэ Тое;
Cyberdyne, Inc. робототехника ва технология компанияси президенти Ёсиюки Санкаю.

10 январ куни Япония Россияга қарши санкцияларини кенгайтириб, 11 нафар жисмоний шахс, 29 та ташкилот ва учта банк активларини музлатиб қўйганди. Шунингдек, РФга экспорт қилиш тақиқланган товарлар рўйхатига яна 334 та маҳсулот қўшилган. Москва Токионинг ушбу ҳаракатларига қарши жавоб қайтаришга ваъда берган эди.