Парижда Ўзбекистон президентини расмий кутиб олиш маросими бўлиб ўтди — фото

Шавкат Мирзиёевни Париждаги Фахрийлар уйида Франция президенти Эммануэл Макрoн кутиб олди.

Бугун, 12 март куни Париждаги Фахрийлар уйида Францияга давлат ташрифини амалга ошираётган Шавкат Мирзиёевни расмий кутиб олиш маросими бўлди. Бу ҳақда Президент матбуот хизмати хабар берди.

Ўзбекистон етакчисини Франция президенти Эммануэл Макрoн кутиб олди.

Майдонда олий мартабали меҳмон шарафига Франция Республика гвардияси, қуруқлик қўшинлари, ҳарбий-денгиз ва ҳарбий-ҳаво кучлари хизматчиларидан иборат фахрий қоровул саф тортди.

Ҳарбий оркестр ижросида икки мамлакат мадҳиялари янгради. Гвардиячилар Ўзбекистон президенти олдидан тантанали юриб ўтди.

Президентлар фахрий қоровул сафи олдидан ўтди ва расмий делегациялар аъзоларини қутлади.

Сўнг Шавкат Мирзиёев отлиқ гвардиячилар ва мотоциклчилар ҳамроҳлигида олий даражада музокара ўтказиш учун Франция президентининг қароргоҳи — Елисей саройига йўл олди.