АҚШ суди Нью-Йорк мэрига очилган жиноий ишни ёпди

Эрик Адамс Туркия ҳукуматига боғлиқ одамлардан сайлов камапнияси учун хайрия маблағларини олганликда гумон қилинаётган эди.

Фото: Peter Foley/UPI

Федерал судья 2 апрель куни Нью-Йорк мэри Эрик Адамсга нисбатан очилган коррупция ишини Адлия вазирлиги илтимосномасига кўра ёпди. Бу ҳақда BBC хабар берди.

Шу билан бирга, судья прокурорларга Нью-Йорк мэри сайловидан кейин жиноий ишни қайта очиш имкониятини бермади.

AP хабарига кўра, ҳукм демократ Адамсга шаҳарни президент Доналд Трампга ёқадиган тарзда бошқариш юкидан ёки республикачилар назоратидаги Адлия департаменти томонидан қайта айбланиш хавфидан халос қилади.

Ню-Йорк мэри Эрик Адамсга нисбатан коррупция иши бўйича айблов 2024 йил сентябрь ойида эълон қилинди, унинг мазмуни маълум эмас. Айрим маълумотларга кўра, Адамс Туркия ҳукуматига боғлиқ одамлардан сайлов камапнияси учун хайрия маблағларини олган.

The New York Times нашрига кўра, Адамс федерал айблов эълон қилинган Ню-Йорк тарихидаги биринчи мэр бўлди. Адамс барча айбловларни рад қилиб келаётган эди.

#АҚШ #Нью-Йорк #Эрик Адамс