Қўшимча функционаллар
-
Тунги кўриниш
Исроил-ҲАМАС музокараларида узоқ муддатли сулҳ таклиф этилди
Янги таклиф 5 йилдан 7 йилгача бўлган даврда ўт очишни тўхтатиш, урушни расман тугатишни назарда тутади.
Фото: Ali Jadallah/Anadolu
Исроил ва ҲАМАС ҳаракати ўртасидаги музокараларда воситачилик қилаётган Миср ва Қатар ўт очишни тўхтатиш ва Ғазо секторида гаровга олинганларни озод қилиш бўйича янги таклифни илгари сурди, деб хабар берди BBC.
Таклиф «беш йилдан етти йилгача бўлган даврда ўт очишни тўхтатиш, урушни расман тугатиш, Исроил армиясини Ғазодан тўлиқ олиб чиқиб кетиш ва Исроил қамоқхоналарида сақланаётган фаластинлик асирлар эвазига гаровга олинган барча исроилликларни озод қилишни» ўз ичига олади.
Қатарнинг «Ал-Арабий Ал-Жадид» газетасининг ёзишича, 20 апрель куни Исроил делегацияси воситачилар билан музокаралар олиб бориш ва ҲАМАС билан музокараларда муваффақиятга эришиш учун Қоҳирага борган. Хабарда айтилишича, делегация кеча Мисрнинг юқори мартабали расмийлари билан учрашган.
Ўтган ҳафта ҲАМАС Исроилнинг ўт очишни тўхтатиш бўйича таклифини рад этди, аммо урушни тугатишни ўз ичига олган кенгроқ келишувни муҳокама қилишга тайёрлигини айтган эди.
Исроил расмийлари ҳозирча янги сулҳ таклифига изоҳ бермади. Бироқ, Исроил армиясини Ғазодан тўлиқ олиб чиқиб кетишни назарда тутувчи аввалги сулҳ таклифларини рад қилиб келаётган эди.
Ғазода тинчлик сулҳи
Мавзуга оид
13:04
Исроилнинг асл мақсади, вафот этган Рим папаси ва Украина урушидан чарчаган АҚШ — кун дайжести
16:46 / 21.04.2025
ЦАҲАЛ текшируви: Ғазода шифокорлар ўлимига «оператив англашилмовчилик» сабаб бўлган
12:27 / 21.04.2025
Асирларни озод қилишга тайёр ҲАМАС, Судандаги жим геноцид ва Трамп депортациясини тўхтатган суд — кун дайжести
08:58 / 21.04.2025