Ўзбекистонлик ҳожиларнинг дастлабки гуруҳи Саудия Арабистонига жўнаб кетди

“Ҳаж – 2025” мавсумининг илк зиёратчилари Тошкент халқаро аэропортидан Саудия Арабистонига жўнаб кетди.

Фото: Ўзбекистон мусулмонлари идораси

Бугун, 13 май куни муборак ҳаж сафарини ният қилган ҳожиларнинг дастлабки гуруҳи Ҳажга томон йўлга чиқди.

Бўлғуси ҳожиларни кузатиш учун Ўзбекистон мусулмонлари идораси раиси, муфтий Шайх Нуриддин Холиқназар, Дин ишлари бўйича қўмита раиси Содиқ Тошбоев, шунингдек, таниқли уламолар, имом-домлалар, мутасаддилар ва ОАВ вакиллари Тошкент халқаро аэропортида жам бўлди.

Шундай қилиб, “Ҳаж – 2025” мавсумининг илк зиёратчилари Тошкент халқаро аэропортидан Саудия Арабистонига жўнаб кетди.